हिन्दी, इंग्लिश और उर्दू में ख़ुश-नशीं के अर्थदेखिए

خوش نشیں فیض کا شعر ہے ؎ خوش نشیں ہیں کہ چشم دل کی مراد دیر میں ہے نہ خانقاہ میں ہے ہم کہاں قسمت آزمانے جائیں ہر صنم اپنی بارگاہ میں ہے ٍٍٍٍٍٍٍٍٍٍیہ لفظ ’’نور اللغات‘‘ اور ’’آصفیہ‘‘ میں نہیں ہے، پلیٹس میں ہے۔ پھر وہاں اور’’جامع اللغات‘‘ کے حوالے سے ’’اردو لغت، تاریخی اصول پر‘‘ میں درج ہوا ہے۔ ’’اردو لغت، تاریخی اصول پر‘‘ میں کوئی سند درج نہیں کی گئی، معنی حسب ذیل لکھے ہیں: ’’مزے سے بیٹھا ہوا، کافی جگہ والا، نو وارد ‘‘ (ان آخری معنی کی تصدیق میں نہ کرسکا)۔ ’’آنند راج‘‘ میں معنی یوں لکھے ہیں: ’’ایسا شخص جو وہیں بیٹھ جائے جہاں اس کا دل چاہے، ایسا شخص جو شہر یا دیہات میں اپنی روزی خود کماتا ہو اور اپنی مرضی کی زندگی جیتا ہو، خوش باش‘‘۔ مرزا رضی دانش کا شعر ہے ؎ سیر گاہ خوش نشینان حیا آئینہ است رو بہ خود کن خار خار گل پر آزارت کند اثر لکھنوی نے ’’فرہنگ اثر‘‘ میں اپنے جائزۂ ’’نوراللغات‘‘ میں یہ لفظ درج نہیں کیا۔ ان لغات سے اس کی غیر حاضری کا سبب شاید ہے کہ فیض سے پہلے کسی نے اسے اردو میں استعمال نہیں کیا۔واضح رہے کہ اس لفظ میں ’’نشیں‘‘ بہ اخفائے نون ہے۔ دیکھئے، ’’دل نشیں‘‘۔

ماخذ: لغات روز مرہ    
مصنف: شمس الرحمن فاروقی