اردو، انگلش اور ہندی میں بَھلّا رے کے معانیدیکھیے

بھلہ رے اس فقرے میں لام پر تشدید ہے۔ استعجاب اور تحسین ظاہر کرنے کے لئے یہ بھی عمدہ فقرہ تھا، لیکن اب اس قدر گم نام ہے کہ ’’اردو لغت، تاریخی اصول پر‘‘ میں بھی درج نہیں۔ (ہاں’’بھلا رے‘‘ البتہ درج ہے۔) میر سوز ؎ بھلہ رے عشق تیری شوکت وشان بھائی میرے تو ا ڑگئے اوسان انشا نے بھی خوب باندھا ہے ؎ جمال و عظمت دادار و خالق ملکوت خیال کرکے یہ کہتا ہوں بھلہ رے جبروت ایسے عمدہ فقرے کو ادبی زبان میں پھر رائج ہونا چاہئے۔ دہلی کے روزمرہ میں اب بھی رائج ہے۔

ماخذ: لغات روز مرہ    
مصنف: شمس الرحمن فاروقی